عزيزي عمبر ....
تذكر في حرب 67 لما الرئيس المصري جمال عبد الناصر راد يقدم استقالة بعد الهزيمة و الناس كلها طلعت تهتف ارجع ارجع .
اكو مدير عام بالمحافظة مالتنا قبل فترة هم قدم استقالة ما ادري على شنو بصراحة المهم شو الموظفين نصها طلعت تصيح ارجع ارجع و كأنه في هذه الدائرة لا يتوفر كفاءات غيرة, والأكثر عُجبه أن مجلس المحافظة هاي الايام قرر ان ما يبقى اي مدير دائرة اكثر من اربع سنوات و هذا المدير الي قدم استقالته سابقاً مشمول بهذي القضية, أما الطامه الكبرى طلعت الدائرة و مدراء الاقسام و الموظفين و الوطن العربي و شارع محمد علي و المنطقة المحاذية لقناة السويس و سكان البحر الميت كلهم ينددون بقرار ازالت كل من يستمر في منصبة اكثر من اربع سنوات اي ادري ورث خو ما ورث لو نضل بهاء القوانه مال خذوا البيعة لأبني "صگر افيلح" .
المهم يا اخوي چنا راح نگضيها اليوم مغذيات لو محلول الارواء الفموي على العشاء
